laging meron pa

* a random artwork  from my good college buddy, Prima (UPLB, 2004);
 found it in my drawer a while ago.

 masaya,

malungkot, galit, 

bigo, lito o tuliro?

 dahil kung kailan akala 

mo naramdaman mo na lahat ng 

emosyong pwedeng ikulong ng mga salita, 

hindi pa pala. dahil kung kailan akala mo naituro na ng unibersong tanggapin ang mga bagay na di mo maipaliwanag, hindi pa

pala. dahil kung kailan akala mo wala ng lugar sa

 puso para tanggapin ang mga aral, meron pa pala. 

‘pagkat ang puso, kapag dalisay,

 muli’t muli’y magpapa-alala

 na kapag akala mo 

wala na,

 mali,

 dahil

 laging

 meron 

pa.